متابعة : ريهام عبد الله
عبرت الفنانة فريدة سيف النصر، عن غضبها من الهجوم علي الفنانين عبر مواقع التواصل الاجتماعي مؤخرا.
وقالت فريدة سيف النصر عبر صفحتها علي موقع التواصل الاجتماعي فيسبوك: “أنا زعلانة علينا كلنا اوي.. المصريين أحلي وأطيب وأجدع من كده بكتير..
خفة دم وكرم وذوق.. ايه اللي حصل.. ليه بنستخبي ورا شاشات وننزل نحر رقاب بعض.. الكلمة القاسيه بتذبح، بقينا نكديين.
مانعرفش نفرق بين جد وهزار كله عايز يتخانق مع كله..ايه ده. وكل يوم يعاملوك بوش أو حسب المصلحة”.
وتضيف فريدة سيف النصر : في ايه بعض الناس ماسكين الفنانين وكأن في تار بلا أسباب دي عجزت ودي كرمشت .
ودي غيرت دينها وده دمه تقيل وده كبر في السن لكن بيغني وده بيرقص كونغرو وده اتكسح ودي روحي موتي كفايه..مالكم في ايه بجد…
هما الناس دي مااسعدكمش أعمالهم فترات من الزمن..طيب بلاش انت مابتحبيش فلان غيرك بيحبه..
في ايه ياجماعه تحسوا مخطط لهدم الفنانين القوي الناعمه اللي فاتحين بيوت اربعتاشر مليون .
واستكملت حديثها: “متخيلين كل المهن شغالة معانا تحت أيديهم كام عامل واسطي كل واحد فيهم عنده أهل وزوجة .
وأطفال وفي اللي جوز ولاده وعندهم بيوت مفتوحة.. بتحاربوا تمن عدد البلد في أكل عيشهم..
اقرءوا كده المسلسل بيكتب ناس قد ايه عماله في العمل شوفوا وقولولي”.
وتابعت حديثها قائلة: “كفايه هدد في الفن، الوحش انقدوه بأدب والكويس شجعوه.. إنما تهزءوا فنانين كبار ليه يعني ..
علي فكره انا عارفه انها لجان مستهدفه الفن المصري..
والفن عموما ماهو العربي بيصب هنا .هاه قرروا ايه ..هانشتم من ورا الشاشه ولا هانقول كلام نصح حلو ياباشا”.
إقرأ أيضاً .
’من هنا وهناك’ بقلم د سامح توفيق … العرض الجماهيري الأول لفيلم “الشك”
